شازادەی جێنشینی سعودیە و ترەمپ ڕێککەوتنێکی 600 ملیار دۆلاری واژۆ دەکەن

ئاڤا نیوز

شازادەی جێنشینی سعودییە و دۆناڵد ترەمپ، بەڵگەنامەی هاوبەشی ئابووریی ستراتیژییان واژۆ کرد.

چیرۆکی سەرەکی: ڕۆژی سێشەممە 13-5-2025، دۆناڵد ترەمپ، سەرۆکی ئەمریکا لەدووەم خولی سەرۆکایەتییدا بۆ یەکەم سەردانی دەرەوەی وڵاتی هاوشێوەی خولی یەکەمی سعودییەی هەڵبژارد و بە یاوەری شاندێکی باڵای وڵاتەکەی گەیشتە ئەو وڵاتە. هاوکات لەلایەن محەممەد بن سەلمان، شازادەی جێنشینی سعودییە پێشوازی لێکرا. 

 

چی ڕوویدا: لەمیانی کۆبوونەوەی نێوان محەممەد بن سەلمان و دۆناڵد ترەمپ یاداشتنامەی لێکتێگەیشتنی ئەمنی و ئابووری و تەکنەلۆژی لەنێوان ئەمریکا و سعودییە واژۆ کرا.

زانیاریی بەدەستهاتوو: بەگوێرەی میدیای سعودییە، چەندین یاداشتی لێکتێگەیشتن لە نێوان سعودیە و ئەمریکا واژۆ کراون کە بوارەکانی ئاسایش، وزە، بۆشایی، تەندروستی، تەکنەلۆژیا، کانزاکاری، توێژینەوەی پزیشکی و بوارەکانی دیکەی گرتووەتەوە، بەبێ ئاشکراکردنی بەهای دارایی یان ناوەڕۆکی بەڵگەنامەی واژۆکراو.