ترەمپ لەگەڵ سووریا و وڵاتانی کەنداو کۆدەبێتەوە

ئاڤا نیوز

ترەمپ پێش ئەوەی بەرەو قەتەر بڕوات، ئەمڕۆ لە ڕیازی پایتەختی سعوودیە چاوی بە سەرکردەکانی کەنداو و سەرۆکی سووریا دەکەوێت.

وێنە گەورەکە: دۆناڵد ترەمپ، سەرۆکی ئەمریکا، ئەمڕۆ لەگەڵ سەرکردەکانی کەنداو و ئەحمەد شەرع، سەرۆکی قۆناغی ڕاگوزەری سووریا لە ڕیاز کۆدەبێتەوە، دواتریش بەڕێدەکەوێت بەرەو دەوحەی پایتەختی قەتەر.

زانیاریی زیاتر: بڕیارە لە کۆبوونەوەی ئەمڕۆ بۆ ماوەیەک لەگەڵ ئەحمەد شەرع کۆببێتەوە، ئەمەش دوای ئەوەی دوێنێ لە میانی کۆڕبەندی وەبەرهێنانی (سعوودی - ئەمریکی) هەڵگرتنی سزاکانی سەر سووریای ڕاگەیاند.

ئەوەی پێویستە بیزانیت: ترەمپ لەگەڵ سەرکردە و نوێنەرانی شەش وڵاتی ئەنجوومەنی هاریکاری کەنداو کۆدەبێتەوە کە بریتین لە سعوودیە، ئیمارات، بەحرەین، قەتەر، کوەیت و عومان.

هاوکات، ئەم کۆبوونەوانە دوای ڕۆژێک لە زنجیرە ڕێککەوتنەکانی نێوان سعوودیە و ئەمریکا دێت لە بوارەکانی وزە و چەک و تەکنەلۆژیا کە لە ڕیاز واژۆکران.