لووتکەی کەنداو-ئەمریکا لە سعوودیە بەڕێوەدەچێت

ئاڤا نیوز

بڕیارە ئەمڕۆ چوارشەممە، لووتکەی کەندا و ئەمریکا لە ڕیازی پایتەختی سعودییە بە بەشداری سەرۆکی ئەمریکا و چەندین سەرۆکی دیکەی وڵاتانی کەنداو بەڕێوەبچێت.

وێنەگەورەکە: ڕۆژی سێشەممە 13-5-2025، دۆناڵد ترەمپ، سەرۆکی ئەمریکا بە یاوەری شاندێکی باڵای حکومی و بازرگانی وڵاتەکەی سەردانی سعوودیەی کرد و بڕیارە ئەمڕۆ چوارشەممە بەشداری لە لووتکەی کەنداو و ئەمریکا بکات.

زانیاریی بەدەستهاتوو: بەرپرسێکی ئەمریکی بە ئەکسیۆسی ڕاگەیاندووە، لە لووتکەکەدا سەرۆکی ئەمریکا لەگەڵ هاوتا عەرەبییەکانی کۆدەبێتەوە. هاوکات ئاماژە بەوەشکراوە، ئەو لووتکەیە دەبێتە دەرفەتێک بۆ ئەوەی ترەمپ دیدگای خۆی و سیاسەتی ئەمریکا  بۆ  ڕۆژهەڵاتی ناوەڕاست بخاتەڕوو.

پێدراوە ڕاستەکان: ئەمە پێنجەمین کۆبوونەوەی لووتکەی نێوان ئەمریکا و وڵاتانی کەنداو دەبێت، یەکەمیان لە کامپ دەیڤد لە ئەمریکا لە مانگی ئایاری 2015 و دووەمیان لە ساڵی 2016 و سێیەمیشیان لە ساڵی  2017 لە ڕیاز لە یەکەم خولی سەرۆکایەتی ترەمپ و بەشداریکردنی بەڕێوەچوو، چوارەمین لووتکە لە مانگی تەمموزی 2022 بەڕێوەچوو بە بەشداری میسر و ئوردن و عێراق.

ئەوەی پێویستە بیزانیت: بەپێی هەواڵی میدیاکان ئامانج لە سەردانەکەی دۆناڵد ترەمپ بۆ وڵاتانی ڕۆژهەڵاتی ناوەڕاست نزیکبوونەوە و وەبەرهێنانی زیاترە لە وڵاتانی کەنداو و پتەوکردنی پەیوەندییەکانە.