دۆناڵد ترەمپ لە لووتکەی وڵاتانی کەنداو وتارێک پێشکەش دەکات

ئاڤا نیوز

دۆناڵد ترەمپ لە لووتکەی وڵاتانی کەنداو سەبارەت بە دۆخی ڕۆژهەڵاتی ناوەڕاست وتەیەکی پێشکەش کرد و تێیدا بە توندی ڕەخنەی لە خۆبایدن، سەرۆکی پێشووتری ئەمریکا گرت و گوتی ئەو هۆکار بووە بۆ ئەوەی ملیاران دۆلار بۆ ئێران بنێردرێت.

وێنە گەورەکە: لە چوارچێوەی سەردانەکەی بۆ ڕۆژهەڵاتی ناوڕاست، پێشنیوەڕۆی ئەمڕۆ دۆناڵد ترەمپ، سەرۆکی ئەمریکا بەشداری لە لووتکەی وڵاتانی کەنداو کرد و وتەیەکی پێشکەش کرد و ئاماژەی بە پلان و کاری ئیدارەکەی کرد بۆ بەدیهێنانی ئاشتی لە ڕۆژهەڵاتی ناوەڕاست.

لێدوانی فەرمی: دۆناڵد ترەمپ لە وتارەکەیدا ڕەخنەی توندی لە جۆ بایدن، سەرۆکی پێشووی ئەمریکا گرت و گوتی ئەو هۆکار بووە بۆ ئەوەی ملیاران دۆلار بۆ ئێران بنێردرێت و ڕێگەی بە بەهێزبوونی ئێران دا، ئەویش لەڕێگەی هاوکارییەکانی تارانەوە بۆ گرووپە تیرۆریستی و میلیشیاکانەوە کە بووە هۆکاری تێکچوونی سەقامگیری ڕۆژهەڵاتی ناوڕاست.

- "بە هیچ شێوەیەک ڕێگە نادەم ئێران ببێت بە خاوەنی چەکی ئەتۆم و دڵنیام ئێوەش ڕازی نین بە ئەگەرێکی لەو شێوەیە، چونکە ئەمە دەبێت بە هەڕەشەیەکی ترسناک بۆ جیهان".

سەبارەت بە کۆبوونەوەی لەگەڵ ئەحمەد شەرع، سەرۆکی سووریا، دۆناڵد ترەمپ گوتی: بە چاوپێکەوتنی ئەمڕۆم لەگەڵ ئەحمەد شەرع، سەرۆکی سووریا قۆناغێکی نوێ بۆ سووریا دەست پێدەکات. گوتیشی سەبارەت بە دۆخی سووریا لەگەڵ سەرۆک ئەردۆغانیش قسەم کردووە و تاوتوێی کۆمەڵێک بابەتی گرنگی پەیوەست بە ڕۆژهەڵاتی ناوڕاست کراوە.

لەلایەکی دیکەوە: دۆناڵد ترەمپ لە کۆتایی وتەکانیدا بە سەرۆک و پاشاکانی کەنداوی ڕاگەیاند: بە هاوکاری ئێوە ئاشتی و سەقامگیری لە ڕۆژهەڵاتی ناوەڕاست بەرپا دەکەین و ڕۆژهەڵاتی ناوەڕاست دەبێت بە ناوەندێکی مەزن بۆ پێشکەوتنی ئابووری و بازرگانی و کولتووری.