وەزیری دادی تورکیا: داوای پێداچوونەوە بە بڕیاری سزای ئۆجەلان ڕێگەپێدراو نییە

ئاڤا نیوز

وەزیری دادی تورکیا ڕایدەگەیەنێت، کارکردن بۆ هەموارکردنەوەی یاساکان دەستی پێکردووە و بونیادنانی تورکیایەکی بێ تیرۆریست دەبێت بە ڕاستی. هاوکات بابەتی پێداچوونەوە بە سزای عەبدوڵڵا ئۆجەلان بابەتی باسکردن نییە.

وێنە گەورەکە: لە چوارچێوەی پێشهات و لێکەوتەکانی بڕیاری خۆهەڵوەشاندنەوەی پەکەکە  و داواکاری موراد قەرەیلان بۆ گۆڕانکاری خێرا لە یاساکاندا لە پێناو سەرکەوتنی پرۆسەی ئاشتی، ئەمڕۆ یڵماز تونج بۆ ڕۆژنامەنوسان باسی لە کۆبوونەوەی لەگەڵ وەفدی دەم پارتی و هەموارکردنەوەی یاساکان و چارەنوسی عەبدوڵا ئۆجەلان کرد.

لێدوانی فەرمی: یڵماز تونج، وەزیری دادی تورکیا ئەمڕۆ لە لێدوانێکدا بۆ میدیاکاران ڕایگەیاند، "کارکردن بۆ هەموارکردنەوەی هەندێک لە یاساکان دەستی پێکردووە و بەردەوام دەبین"، لەگەڵ ئەوەشدا هەموو ئەو ڕێگا و بوارانەی تیرۆریستان کاریان تێدا دەکرد کۆتایی هاتووە و خەونی بوونیادنانی تورکیایەکی بی تیرۆریست بە دی دێت.

- وەزیری دادی تورکیا سەبارەت بە دەنگۆی پێداچوونەوە بە سزای عەبدوڵا ئۆجەلان و چاوپێکەوتن لە پێناو پێشکەشکردنی داواکارییەکی لەو شێوەیە ڕایگەیاند: "لە کۆبونەوەکانماندا داوایەکی لەم شێوەیە پێشکەشنەکراوە، بەڵام بە پێی یاسا دۆخێکی لەم شێوەیە بابەتی باسکردن نییە، چاوپێکەوتنێکی لەم شێوەیە و لە پێناو ئەو بابەتەدا بوونی نیە و نەبووە."