ترەمپ گەیشتە قەتەر و لەگەڵ ئەمیری ئەو وڵاتە کۆدەبێتەوە

ئاڤا نیوز

 

لەدرێژەی سەردانەکەی بۆ ڕۆژهەڵاتی ناوەڕاست، دۆناڵد ترەمپ، سەرۆکی ئەمریکا گەیشتە دەوحەی پایتەختی قەتەر و بڕیارە لەگەڵ بەرپرسانی باڵای ئەو وڵاتە کۆببێتەوە.

وێنە گەورەکە: ڕۆژی سێشەممە 13-5-2025، دۆناڵد ترەمپ، سەرۆکی ئەمریکا بە یاوەری شاندێکی باڵای وڵاتەکە گەیشتە ڕیازی پایتەختی سعودییە و بەشداری لە کۆبوونەوەی لوتکەی کەندا و ئەمریکا کرد.

 

زانیاریی بەدەستهاتوو: ئەمڕۆ چوارشەممە، دۆناڵد ترەمپ سەرۆکی ئەمریکا گەیشتە دەوحەی پایتەختی قەتەر. ئامانج لە سەردانەکە بەهێزکردنی پەیوەندیی دوولایەنە، وەبەرهێنان و ئابووری زیاترە.

 

زانیاریی زیاتر: ترەمپ سەردانەکەی بۆ وڵاتانی کەنداو بە "مێژوویی" وەسف کرد و چەندین دیدار و کۆبوونەوەی گرنگی لەگەڵ بەرپرس و وڵاتانی ناوچەکە ئەنجام دا.

 

لەلایەکی دیکە: هەر ئەمڕۆ چوارشەممە، دۆناڵد ترەمپ، سەرۆکی ئەمریکا و ئەحمەد شەرع، سەرۆکی کاتیی سووریا بە ئامادەبوونی محەممەد بن سەلمان، شازادەی جێنشینی سعودیە کۆبوونەوە، هاوکات ڕەجەب تەیب ئەردۆغان سەرۆککۆماری تورکیا بە ڤیدیۆ و لەڕێگەی ئۆنلاینەوە بەشداری کۆبوونەوەکەی کرد.