ترەمپ دوای کۆبوونەوەی لەگەڵ شەرع: قۆناغێکی نوێ بۆ سووریا دەستپێدەکات

ئاڤا نیوز

دۆناڵد ترەمپ دوای کۆبوونەوەی لەگەڵ ئەحمەد شەرع بە سەرکردەی وڵاتانی کەنداوی ڕاگەیاند، قۆناغێکی نوێ بۆ سووریا و ڕۆژهەڵاتی ناوڕاست دەست پێدەکات.

وێنە گەورەکە: ئەمڕۆ لە ڕیازی پایتەختی سعوودیە، هەریەک لە دۆناڵد ترەمپ و ئەحمەد شەرع بە ئامادەبوونی محەممەد بن سەلمان  و بە بەشداری ڕەجەب تەیب ئەردۆغان لە ڕێگەی پەیوەندیی تەلەفۆنییەوە، کۆبوونەوەیەکیان ئەنجامدا.

لێدوانی فەرمی: دۆناڵد ترەمپ، سەرۆکی ئەمریکا سەبارەت بە کۆبوونەوەی لەگەڵ ئەحمەد شەرع، سەرۆکی سوریا بۆ قۆناغی ڕاگوزەر، ڕایگەیاند، "بە چاوپێکەوتنی ئەمڕۆم لەگەڵ ئەحمەد شەرع دەست پێدەکات و هەڵگرتنی سزاکان دەرفەتێکی زۆر باش دەبێت بۆ بوونیادنانەوەی وڵاتەکە، سەبارەت بە دۆخی سووریا لەگەڵ سەرۆک ئەردۆغانیش قسەم کردووە و تاوتوێی کۆمەڵێک بابەتی گرنگی پەیوەست بە ڕۆژهەڵاتی ناوەڕاستیش کراوە".

ئەوەی پێویستە بیزانیت: کۆبوونەوەی شەرع و ترەمپ لە کاتێکدایە، ڕۆژی سێشەممە دۆناڵد ترەمپ دوای گەیشتنی بۆ سعوودیە و کۆبوونەوەی لەگەڵ محەممەد بن سەلمان، شازادەی جێنشینی سعوودیە، ڕایگەیاند، واشنتن سزاکانی سەر دیمەشق هەڵدەگرێت.