کۆمیسیۆن: 106 حیزب و حەوت هاوپەیمانیێتی خواستیان بۆ بەشداریکردن لە هەڵبژاردن دەربڕیوە

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق ڕایدەگەیێنێت، لە كۆی 338 حیزب و 66 هاوپەیمانیی تۆماركراو لە كۆمیسیۆن، تاوەکو ئێستا 106 حیزب و حەوت هاوپەیمانیێتی خواستی خۆیان بۆ بەشداریکردن لە هەڵبژاردنی داهاتوو دەربڕیوە.

وێنە گەورەکە: لە چوارچێوەی ئامادەکارییەکانی کۆمیسیۆنی باڵای سەربەخۆی هەڵبژاردنەکان، دەرگای تۆمارکردنی هاوپەیمانیێتی و حیزب و کاندیدانی سەربەخۆ بۆ بەشداریکردن لە هەڵبژاردن تاوەکو 20ـی ئایار درێژ کرایەوە، پرۆسەکەش بەردەوامە.

لێدوانی فەرمی: جومانە غەلای، وتەبێژی کۆمیسیۆنی باڵای هەڵبژاردنەکانی عێراق، ڕاگەیاند، لەكۆی 338 حیزب كە پێشتر ناویان لە كۆمیسیۆن تۆماركراوە تا ئەمڕۆ تەنها 66 حزب ناوی خۆیان بە بەشداری لە هەڵبژاردنی پەرلەمانی عێراق تۆماركردووە.

لەلایەکی دیکە: سەبارەت بە ژمارەی هاوپەیامنێتییەکان، غەلای ڕایگەیاند، لەكۆی 66 هاوپەیمانیێتی كە پێشتر تۆماركراون، تەنها حەوت هاوپەیمانی زانیارییەکانیان نوێ کردووەتەوە.

ئەوەی پێویستە بیزانیت: بڕیارە لە 11-11-2025، هەڵبژاردنی خولی شەشەمی پەرلەمانی عێراق بەڕێوەبچێت، ئامادەکارییەکان لەلایەن کۆمیسیۆنەوە بەردەوامە.