دوای سێ ساڵ جەنگ یەکەم دانوستانی ڕووسیا و ئۆکراینا لە تورکیا دەکرێت

ئاڤا نیوز

لەسەر داوای سەرۆکی ڕووسیا بڕیارە ئەمڕۆ یەکەم دانوستانی ڕاستەوخۆی نێوان ڕووسیا و ئۆکراینا بۆ کۆتاییهێنان بە ئاگربەست لە ئیستەنبووڵ بکرێت.

وێنە گەورەکە: دوای سێ ساڵ لە جەنگ و وێرانکاریی بەردەوام، بڕیارە ئەمڕۆ پێنجشەممە 2025-05-15، لەسەر پێشنیازی پووتین، یەکەم دانیشتنی ڕاستەوخۆی نێوان مۆسکۆ  و کیێڤ بە ئامادەبوونی سەرۆکی ئۆکراینا و شاندی ڕووسیا بۆ کۆتاییهێنان بە شەڕ و ململانێکان و ئاڵوگۆڕکردنی بارمتەکانی هەردوولا بکرێت.

ڕاگەیێنراوی فەرمی: کرێملین ڕایگەیاند: ڤلادیمێر پووتین، سەرۆکی ڕووسیا لە دانوستانە ڕاستەوخۆکانی ئیستەنبووڵ ئامادەنابێت و ئەمەش کاردانەوەی بەدوای خۆیدا هێنا و میدیاکان دەڵێن لەوانەیە ئەگەری ڕاگەیاندنی ئاگربەست بەشێوەیەکی بەرچاو دابەزێت.

لەلایەکی دیکەوە: دوای ئەوەی کرێملین پێکهاتەی شاندەکەی ڕاگەیاند، بەرپرسێکی ئەمریکی ڕایگەیاند، ترەمپ سەردانی تورکیا ناکات بۆ بەشداریکردن لە دانوستانەکانی نێوان هەردوو وڵات.

زانیاریی زیاتر: دوێنێ میدیاکانی ئۆکراینا ڕایگەیاند: ڤۆلۆدیمێر زێلینیسکی بەرەو تورکیا بەڕێکەوتووە، هاوکات زێلینسکی ڕایگەیاند، وڵاتەکەی  ئامادەیە بۆ هەر جۆرە دانوستانێک بۆ کۆتاییهێنان بە خوێن ڕشتن و گەیشتن بە ئاشتییەکی هەمیشەیی.