مەسرور بارزانی: مامۆستایان ڕۆڵێکی گرنگ لە پەروەردەکردن و فێرکردنی نەوەکانماندا دەگێڕن

ئاڤا نیوز

بەبۆنەی 63 ساڵەی دامەزراندی یەکێتیی مامۆستایان، سەرۆکوەزیران مەسرور بارزانی پەیامێک بڵاودەکاتەوە و دەڵێت مامۆستایان ڕۆڵێکی گرنگ لە پەروەردەکردن و فێرکردنی نەوەکانماندا دەگێڕن.

وێنە گەورەکە: ئەمڕۆ 15ـی ئایار، 63 ساڵ بەسەر دامەزراندنی ڕێکخراوی یەکێتیی مامۆستایانی کوردستان تێدەپەڕێت.

پەیامی فەرمی: سەرۆکوەزیران مەسرور بارزانی لە پەیامێکدا بەبۆنەی دامەزراندنی یەکێتیی مامۆستایانی کوردستان دەڵێت:

٠ بە بۆنەی 63ـەمین ساڵیادی دامەزراندنی یەکێتیی مامۆستایانی کوردستان، پیرۆزبایی لە سەرۆک و ئەندامانی مەکتەبی سکرتارییەت و گشت مامۆستایانی کوردستان دەکەم و هیوای سەرکەوتنیان بۆ دەخوازم.

٠ خەبات و تێکۆشانی یەکێتیی مامۆستایانی كوردستان و داکۆکیکردنیان لە ماف و داخوازییەکانی مامۆستایانی کوردستان بەرز دەنرخێنین و پێزانینێکی زۆرمان بۆ مامۆستایانی کوردستان هەیە کە  ڕۆڵێکی گرنگ لە پەروەردەکردن و فێرکردنی نەوەکانماندا دەگێڕن.

٠ ئومێدەوارم مامۆستایانی کوردستان، لە سەر بنەمایەکی باش و پەروەردەیەکی دروست و هزری نیشتمانپەروەری و خوشویستنی کوردستان، نەوەیەکی داهێنەر و زانستخواز و ژینگەدۆست پێ بگەیەنن بۆ ئەوەی ڕۆڵێکی کارایان لە پێشخستن و بەرەوپێشبردنی کوردستاندا هەبێت.