دەیان ژنی تورک لە زیندانەکانی بەغدان و داوا دەكەن بیانگەڕێننەوە بۆ وڵاتەكەیان

ئاڤا نیوز

دەیان ژنی تورک، لە زیندانی ڕەسافەی بەغدا بە تۆمەتی ئەندامێتی داعش زیندانیکراون و داوا دەکەن بیگەڕێنرێنەوە بۆ تورکیا.

چیرۆکی سەرەکی: ماڵپەری میدڵ ئێست ئای  بڵاویکردووەتەوە: بە تۆمەتی ئەندامیەتی داعش 200 ژنی تورک لە زیندانەکانی عێراقدان و 37 لەوانە لە زیندانی ڕەسافەی بەغدا لەڕێگەی گرتەی ڤیدیۆیی پەیامیان بڵاکردووەتەوە و داواکارییەکیان ئاراستەی تورکیا کردووە.

زانیاریی زیاتر: بەپێی پەیامەکان ئەو ژنانە پەشیمانی خۆیان بۆ چوونە ناو داعش دەربڕیوە و دەڵێن، لە تەمەنی زۆر بچووکدا بوون "هەڵەیان کردووە"، هەروەها ڕەتیدەکەنەوە کە هەرگیز بەشداری چالاکیی چەکدارییان کردبێت و داوایان کردووە تورکیا بیانگەڕێنێتەوە بۆ وڵاتەکەی خۆیان.

ئەمەش بزانە: دادوەرە عێراقییەکان سزای پێنج ساڵ زیندانییان بەسەر کچە کەم تەمەنەکاندا سەپاندووە، ئەوانی دیکەش سزای لەسێدارەدان و زیندانی هەتاهەتایییان بەسەردا سەپێنراوە، ئەو ژنانە دەڵێن، دادگەییکردنەکانیان لە عێراقدا دادپەروەرانە نییە و دەیانەوێت لە تورکیا دادگەیی بکرێن.

ئەوەی پێویستە بیزانیت: جگە لە عێراق ئێستا نزیکەی 120 هاووڵاتی تورک لە کەمپی هۆڵی ڕۆژئاوای کوردستاندان و پێشتر تورکیا ڕایگەیاندبوو، کە دەبێت هەموو ئەوانەی لە ناو ئەو کەمپەدان بۆ وڵاتەکانیان بگەڕێنرێنەوە.