کارەبای 22 هەزار هاوبەشی دیکەی سلێمانی دەبێتە 24 کاتژمێری

ئاڤا نیوز

هەفتەی داهاتوو لە سلێمانی قۆناغی دووەمی پڕۆژەی ڕووناکی تەواو دەبێت و 22 هەزار هاوبەشی دیکە کارەبایان دەبێتە 24 کاتژمێری.

وێنە گەورەکە: لە قۆناغی یەکەمی جێبەجێکردنی پڕۆژەی ڕووناکی لە سلێمانی 13 هەزار هاوبەش لە سەنتەری پارێزگاکە کارەبایان بووەتە 24 کاتژمێری، تیمەکان بەردەوامن لە کارکردن بۆ تەواوکردنی قۆناغی دووەم.

لێدوانی فەرمی: سیروان محەممەد، گوتەبێژی کارەبای سلێمانی بە ئاڤای گوت، "بۆ قۆناغی دووەمی پڕۆژەی ڕووناکی 25 فیدەری دیکە دەگرێتەوە، واتا سەرووی 10 گەڕەکی دیکە کارەبایان دەبێتە 24 کاتژمێری و 22 هەزار هاوبەشی دیکە سوودمەند دەبن.

زانیاریی زیاتر: هەر گەڕەکێک کە پڕۆژەی ڕووناکی پێدەگات، مانگی یەکەم بە قەبارەی 50% پاڵپشتی دارایی بۆ هەر ماڵ و هاوبەشێک دەکرێت، تاوەکو لەگەڵ پرۆژەکە ڕابێنن و بزانن چۆن کارەبا خەرج دەکەن، مانگی دووەمیش بە قەبارەی 25% و مانگی سێیەم بە قەبارەی 15% پاڵپشتی دەکرێن.