ڕووسیا و ئۆکراینا لە تورکیا کۆدەبنەوە

ئاڤا نیوز

 

ئەمڕۆ شاندەکانی ڕووسیا و ئۆکراینا لەگەڵ بەرپرسانی تورکیا کۆ دەبنەوە.

 

زانیاریی بەدەستهاتوو: بە گوێرەی زانیاریی سەرچاوەیەکی وەزارەتی دەرەوەی تورکیا، کۆبوونەوەکە لە کۆشکی دۆڵماباخچە لە کەناری بۆسفۆر لە ئیستانبووڵ بەڕێوە دەچێت.

 

زانیاریی زیاتر: کۆبوونەوەکە بۆ گفتوگۆکردنە لە سەر ئاگربەستی نێوان ڕووسیا و ئۆکراینا کە زیاتر لە سێ ساڵە لە شەڕدان. هاوکات جگە لەم کۆبوونەوەیە، کۆبوونەوەیەکی دیکەش لە نێوان بەرپرسانی تورکیا، ئۆکراینا و ئەمریکا بەڕێوە دەچێت.

 

بە تەنیشت ئەم بابەتەوە؛ ڕۆژی پێنجشەممە، 15-5-2025، کۆبوونەوەی ڤۆلۆدیمێر زێلێنسکی، سەرۆکی ئۆکراینا و ڕەجەب تەیب ئەردۆغان، سەرۆککۆماری تورکیا لە ئەنقەرە لەبارەی هەوڵە دیپلۆماسییەکان بۆ ڕاگرتی جەنگی سێ ساڵەی ئۆکراینا و ڕووسیا و تاوتوێکردنی دوایین پێشهاتەکانی پەیوەست بەو جەنگە کۆبوونەوە.