ترەمپ: دەمەوێت هەرچی زووە پووتین ببینم

ئاڤا نیوز

دۆناڵد ترەمپ، سەرۆکی ئەمریکا، ڕایگەیاند خواستی هەیە لەگەڵ ڤلادیمیر پووتین، سەرۆکی ڕووسیا، کۆ ببێتەوە.

 

چیرۆکی سەرەکی: لە میانەی کۆبوونەوەیەکی بازرگانی لە ئەبوزەبی، پایتەختی ئیمارات، ترەمپ گوتی: دەیەوێت پووتین ببینێت و لەگەڵی کۆببێتەوە؛ سەبارەت بە کاتەکەشی گوتی، "هەرچی زوو بتوانرێت ئەوە ڕێکبخرێت".

 

زانیاریی زیاتر: ترەمپ پێشتریش ویستی خۆی بۆ کۆبوونەوە لەگەڵ پووتین نیشان داوە. ئەو دەیەوێت شەڕی نێوان ڕووسیا و ئۆکراینا بوەستێت کە بە گوتی ترەمپ هەفتانە زیاتر لە پێنج هەزار کەسی تێدا دەکوژرێن.

 

بە تەنیشت ئەم بابەتەوە: شاندەکانی ئۆکراینا و ڕووسیا لە تورکیا لە کۆبوونەوەدان و سەبارەت بە ئاگربەست گفتوگۆ دەکەن.