سەرجەم هێزە ئەمنییەکانی بەغدا دەخرێنە حاڵەتی ئامادەباشییەوە

ئاڤا نیوز

 

بەمەبەستی دەستەبەرکردنی ئاسایشی سی و چوارەمین لووتکەی ئاسایی کۆمکاری عەرەبی کە ئەمڕۆ لە بەغدای پایتەخی عێراق بەڕێوەدەچێت، فەرماندەی هێزە چەکدارەکان سەرجەم هێزە ئەمنییەکانی خستووەتە دۆخی ئەو پەڕی ئامادەباشییەوە.

 

وێنە گەورەکە: ئەم لووتکەیەی ئەمڕۆ دەبێتە چوارەمین لووتکەی عەرەبی کە لە عێراق بەڕێوەدەچێت، دوای لووتکەکانی ساڵەکانی 1978، 1990 و 2012. بەمەش، 13 ساڵ دوای دوایین لووتکە، عێراق جارێکی دیکە میوانداری ئەم کۆبوونەوە گرنگە دەکات.

 ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند، سەرجەم یەکەکانی وەزارەتی بەرگری و وەزارەتی ناوخۆ و دەزگا ئەمنییەکانی دیکەی لە دۆخی ئەوپەڕی  ئامادەباشی ناسراو بە (ج) دەبن، بەڵام بەهیچ شێوەیەک ڕێگاوبانەکان بەڕووی هاووڵاتییاندا داناخرێن و جوڵەی هاتووچۆ لەبەغدای پایتەخت ئەو پەڕیی ئاسایی دەبێت.

- عەلی نیعمە، ئەندامی لیژنەی بەرگری و ئاسایشی پەرلەمانی عێراق ڕایگەیاند، "پلانەکە بەردەوام دەبێت تاوەکو هەموو کارەکانی لووتکەکە تەواو دەبن و شاندە بەشداربووەکان دەگەڕێنەوە وڵاتەکانی خۆیان.