سیسی داوا لە ترەمپ دەکات جەنگی غەززە ڕابگرێت

ئاڤا نیوز

سەرۆککۆماری میسر داوا لە ترەمپ دەکات هەموو هەوڵەکانی بخاتە گەڕ لەپێناو ڕاگرتنی جەنگی غەززە و چارەسەکردنی پرسی فەڵەستین.

چیرۆکی سەرەکی: ئەمڕۆ شەممە، لووتکەی کۆمکاری عەرەبی لە بەغدا بەڕێوەچوو، عەبدولفەتاح سیاسی، سەرۆکی میسر بەشداریی لە لووتکەکە کرد، هاوکات وتارێکی پێشکەش کرد.

وتاری فەرمی: عەبدولفەتاح سیسی، سەرۆککۆماری میسر لە وتارەکەیدا ڕایگەیاند: داوا لە سەرۆک ترەمپ دەکەم وەکو سەرکردەیەک کە دەیەوێت ئاشتی بەرپا بکا، هەموو هەوڵەکانی بخاتە گەڕ بۆ ڕاگرتنی جەنگ لە غەززە.

لەلایەکی دیکەوە: سیسی وتی، لێرە دووبارەی دەکەمەوە، تەنانەت ئەگەر ئیسرائیل پەیوەندییەکانی لەگەڵ سەرجەم وڵاتانی عەرەبی ئاسایی بکاتەوە، ئاشتیی سەرتاسەری و دادپەروەر و هەمیشەیی لە ڕۆژهەڵاتی ناوەڕاست بەدی نایێت تاوەکو دەوڵەتی سەربەخۆی فەلەستین دانەمەزرێت، بیرتان دەهێنمەوە کە بەنیازین دوا بەدوای ڕاگرتنی دەستدرێژییەکانی سەر کەرتی غەززە کۆنفڕانسێکی نێودەوڵەتیی بۆ بووژانەوەی پێشوەختە و ئاوەدانکردنەوەی کەرتەکە ڕێکبخەین.

ئەوەی پێویستە بیزانیت: میسر، قەتەر و ئەمریکا نێوەندگێریی دانوستانەکان نێوان فەڵەستین و ئیسرائیل دەکەن لەپێناو گەیشتن بۆ ڕێککەوتنی ئاگربەست لە کەرتی غەززە.