حکومەتی سووریا: هەموو هێزە چەکدارەکان یەکخرانەوە

ئاڤا نیوز

وەزارەتی بەرگریی سووریا ڕایگەیاند، دوای ئازادکردنی سووریا توانیویانە هەموو هێزە چەکدارەکانیش لە ژێر یەک دامەزراوەدا یەکبخەنەوە.

وێنە گەورەکە: لە چوارچێوەی کارنامەی حکومەتی نوێی سووریا، وەزارەتی بەرگری سووریا دەستیکردووە بە یەکخستنەوەی ئەو گرووپە چەکدارانەی لە سووریادا هەن و هەموویان دەچنەوە سەر وەزارەتەکە.

بڵاوکراوەی فەرمی: مورهەف ئەبو قەسرە، وەزیری بەرگریی سووریا لە ئەکاونتی خۆی لە تۆڕی کۆمەڵایەتی ئێکس ڕایگەیاند، دوای ئازادکردنی سووریا، لە چوارچێوەی دامەزراوەیەکی یەکگرتوو دەستمانکرد بە یەکخستنەوەی یەکە سەربازییەکان، ئەمڕۆ ڕایدەگەیەنین کە هەموو یەکەکان لە چوارچێوەی وەزارەتی بەرگری یەکخراونەتەوە.

بەشێکی دیکە لە بڵاوکراوەکەی وەزیری بەرگریی سووریا

٠ ئەم دەستکەوتە گەورەیە بەبێ هەوڵی یەکگرتووی هەمووان نەدەکرا. سوپاس و پێزانینی دڵسۆزانەمان ئاراستەی فەرماندە و سەربازانی یەکە سەربازییەکان دەکەین بۆ هاوکاری بەرهەمدار و پابەندبوونییان لە ئەم قۆناغەدا.

٠ جەخت لەوە دەکەینەوە کە پێویستە گرووپە سەربازییەکانی دیکە لە ماوەی 10 ڕۆژدا لە بەرواری ئەم ڕاگەیاندنەوە پەیوەندی بە وەزارەتی بەرگری بکەن بەمەبەستی تەواوکردنی پڕۆسەی یەکگرتن و ڕێکخستن.

٠ هەر گرووپێک لەو بەروارە دوابکەوێت بە پێی یاسا کارپێکراوەکان ڕێوشوێنی گونجاو بەرامبەریان دەگیرێتەبەر