ئەحمەد داودئۆغڵو لەڕێگەی فڕۆکەخانەی کەرکووکەوە دەچێتە سلێمانی

ئاڤا نیوز

 

بەهۆی ڕاگرتنی گەشتە ئاسمانییەکانی نێوان تورکیا - سلێمانی، ئەحمەد داودئۆغڵو، سەرۆکی حیزبی ئایندەی تورکیا لە ڕێگەی فڕۆکەخانەی کەرکووکەوە بۆ بەشداریکردن لە کۆڕبەندێکی ئابووری دەچێتە سلێمانی. 

 

چیرۆکی سەرەکی: بەرەبەیانی ئەمرۆ یەکشەممە، سەرۆکی حیزبی ئایندە بە سەردانێکی فەرمی گەیشتە پارێزگای کەرکووک و لەلایەن ڕێبوار تەها، پارێزگاری کەرکووک پێشوازی لێ کرا، دواتر ڕاستەوخۆ بەرەو سلێمانی بەڕێکەوت. 

 

زانیاریی زیاتر: ئامانج لە سەردانەکەی داودئۆغڵو بەشداریکردنە لە کۆڕبەندی ئابووریی دێڵفییە کە ئەمڕۆ یەکشەممە لە شاری سلێمانی دەستپێدەکات، بڕیاریشە چەندین سەرکردەی سیاسی ناوچەکە و وڵاتانی دیکەش ئامادەبن.

 

ئەمەش بزانە: هۆکاری سەردانەکەی ئەحمەد داودئۆغڵو بۆ کەرکووک ڕاگرتنی گەشتە ئاسمانییەکانی نێوان تورکیا – سلێمانی بووە، هەروەها وەکو کەسێکی ئاسایی لەگەڵ خێزانەکەی بە فڕۆکەیەکی گەشتیاری هاتووەتە کەرکووک.