سلێمانی لەهەوڵدایە گەشتە ئاسمانییەکانی لەگەڵ تورکیا ئاسایی بکاتەوە

ئاڤا نیوز

 

پارێزگاری سلێمانی باس لەوەدەکات لە هەوڵدان بۆ ئاسیکردنەوەی گەشتە ئاسمانییەکانی نێوان تورکیا و سلێمانی، بۆ ئەو مەبەستەش قسەیان لەگەڵ کونسوڵی تورکیادا کردووە. 

 

وێنە گەورەکە: ڕۆژی 3-4-2023، کۆمپانیای تورکیش ئێرلاین نامەیەکی ئاگادارکردنەوەی بۆ فڕۆکەخانەی نێودەوڵەتیی سلێمانی نارد کە گەشتە ئاسمانییەکانیان بۆ ئەو فڕۆکەخانەیە تاکۆتایی مانگی چوار ڕادەگرن، لەدوای ئەو بەروارەوە هەرجارە و بە بیانوویەک ڕاگرتنی گەشتەکان درێژ کراوەتەوە. 

 

لێدوانی فەرمی: د.هەڤاڵ ئەبوبەکر، پارێزگاری سلێمانی، بە ئاڤای ڕاگەیاند: هەر لەچوارچێوەی کارکردن لەسەر پڕۆسەی ئاشتی لە تورکیا، داوامان لە کونسوڵی تورکیا کردووە کە دیالۆگ و لێکتێگەیشتن لەگەڵ هەرێمی کوردستان دروست بکرێت، تاوەکو پرسە هەڵواسراوەکانی نێوان چارەسەر بکرێت، بەنموونە ڕاگرتنی گەشتە ئاسمانییەکانی نێوان سلێمانی – تورکیا. 

- ئەو بابەتە پەیوەستە دەسەڵاتدارانی هەرێنی کوردستان و فڕۆکەوانی مەدەنی عێراق، کە پێویستە وەکو یەک تیم کار بکەن، تاوەکو بتوانن زانیاریی و تێبینییە ئەمنییەکان ئاڵوگۆڕ بکەن.