یەکەم کاروانی حەجخوازان بەڕێگەی ئاسمانی بەڕێدەکەون

ئاڤا نیوز

کاتژمێر 12ـی ئەم شەو یەکەم کاروانی حاجخوازانی هەرێمی کوردستان بەڕێگەی ئاسمانی لە هەردوو فڕۆکەخانەی نێودەوڵەتیی هەولێر و سلێمانی بەرەو سعوودیە بەڕێ دەکەون.

وێنە گەورەکە: ژمارەی سەرجەمی ئەو حەجخوازانەی بەڕێگەی ئاسمانی گەشتی سعوودیە دەکەن بۆ بەجێهێنانی فەریزەی حەج سێ هەزار و 491 حەجخوازە.

ڕاگەیێنراوی فەرمی: وەزارەتی ئەوقاف و کاروباری ئاینی، ڕایگەیاند، بە ئامادەبوونی د. پشتیوان سادق، وەزیری ئەوقاف و کاروباری ئایینی و ئومێد خۆشناو، پارێزگاری هەولێر، ئەمشەو کاتژمێر 12:00 یەکەم گەشتی حاجیانی کوردستان لەڕێگەی فڕۆکەخانەی نێودەوڵەتیی هەولێر بەرەو وڵاتی عەرەبستانی سعوودیە بەڕێدەکەون.

ئەوەی پێویستە بیزانیت: کۆی گشتیی ئەو هاووڵاتییانەی لە قۆناغی یەکەم لەڕێگەی هەردوو فڕۆکەخانەی نێودەوڵەتیی هەولێر و سلێمانی گەشتی سعوودیە دەکەن ژمارەیان 876 هاووڵاتییە کە چوار گەشت لە خۆدەگرێت و ڕاستەوخۆ دەچنە فڕۆکەخانەی جددە و دواتر بۆ شاری مەدینە.