هەر چوار پارێزگارەكەی هەرێمی كوردستان سەردانی سنە دەكەن

ئاڤا نیوز

بەمەبەستی بەهێزكردنی جووڵەی بازرگانی و پەرەپێدانی پەیوەندییە كولتوورییەكان، هەر چوار پارێزگارەكەی هەرێمی كوردستان سەردانی شاری سنە لە ڕۆژهەڵاتی كوردستان دەكەن.

چیرۆكی سەرەكی: لە چوارچێوەی سێیەمین دیداریی پارێزگا هاوسنوورییەكان كە بڕیارە ڕۆژانی 20 و 21ـی ئەم مانگە، لە شاری سنە بەڕێوەبچێت، ڕۆژی سێشەممە 2025-05-20، شاندێكی فەرمیی حكومەتی هەرێمی كوردستان كە پێكهاتوون لە هەریەك لە؛ ئومێد خۆشناو، پارێزگاری هەولێر، هەڤاڵ ئەبوبەكر، پارێزگاری سلێمانی، عەلی تەتەر، پارێزگاری دهۆك، نوخشە ناسیح، پارێزگاری هەڵەبجە، بەرپرسی پەیوەندییەكانی هەرێمی كوردستان و ئێران، سەرۆكی ژوورە بازرگانییەكانی هەر چوار پارێزگای هەرێمی كوردستان، بەرپرسی كۆمەڵگەی سنووریی نێودەوڵەتیی حاجی ئۆمەران، سەردانی شاری سنە لە ڕۆژهەڵاتی كوردستان دەكەن.

زانیاریی بەدەستهاتوو: پارێزگاری هەولێر زانیاریی بە ئاڤا داوە كە، مەبەستی سەردانەكە بۆ بەهێزكردنی جووڵە و ڕەوشی بازرگانی و برەودان بەبواری كولتووری و پەیوەندییە ئابوورییەكانی نێوان هەرێمی كوردستان و كۆماری ئیسلامیی ئێرانە.

زانیاریی زیاتر: پارێزگارانی هەرێمی كوردستان و شاندی یاوەریان، لەمیانی گەشتەكە، چه‌ندین دیدار و كۆبوونه‌وه‌ لەگەڵ پارێزگارانى 'ئازربایجانى ڕۆژئاوا "ئورمیە"، سنە "پارێزگای كوردستان"، کرمانشا ) ئەنجام دەدەن.