ئەمریکا هەوڵەکانی بۆ ئاگربەستی نێوان ڕووسیا و ئۆکراینا چڕتر دەکاتەوە

ئاڤا نیوز

دۆناڵد ترەمپ، سەرۆکی ویلایەتە یەکگرتووەکانی ئەمریکا لە هەوڵەکانی بۆ بەرقەرارکردنی ئاشتیی نێوان ئۆکراینا و ڕووسیا ئەمڕۆ لەگەڵ هەر یەک لە زیلینکسی و پووتین قسە دەکات.

وێنە گەورەکە: سێ ساڵ دەبێت شەڕی نێوان ئۆکراینا و ڕووسیا بەردەوامی هەیە و ئەمریکا هەوڵەکانی بۆ ڕاگەیاندنی ئاگربەست چڕتر کردووەتەوە و دەیەوێت هەرچی زووە ئۆکراینا و ڕووسیا کۆتایی بە شەڕی نێوانیان بێنن.

لێدوانی فەرمی: دۆناڵد ترەمپ ڕایگەیاند ئەمڕۆ لەگەڵ هەریەک لە ڤلادمیر پووتین، سەرۆکی ڕووسیا و ڤۆلۆدمیرزیلینسکی، سەرۆکی ئۆکراینا تاوتوێی پرسی ئاگربەستی نێوان هەردوو وڵات دەکات، ترەمپ ڕاشیگەیاند کەوا کاتژمێر 2:00ــی دوا نیوەڕۆیی ئەمڕۆ لەگەڵ پووتین قسە دەکات و دواتریش لەگەڵ زیلینسکی و وڵاتانی ئەروپا سەبارەت بە ڕاگەیاندنی ئاگربەست قسە دەکات.

باکگراوند: پەیوەندییە تەلەفۆنییەکانی ترەمپ لەکاتێکدایە کە دوای سێ ساڵ بۆ یەکەمجار لە ئیستەنبووڵ گفتوگۆی ڕاستەوخۆی نێوان ڕووسیا و ئۆکراینا بەڕێوەچوو و هەردوو وڵات ڕێککەوتن کە ئاڵوگۆڕ بە 1000 دیلکراو بکەن.

ئەوەی ئێستا ڕوودەدات: میدیای فەرمی ئۆکراینا بڵاویکردووەتەوە، ئەمڕۆ هێزەکانی ڕووسیا هێرشیان کردووەتە سەر ناوچەی خێرسوون و لە ئەنجامدا ژن و پیاوێکی تەمەن 70 ساڵی گیانیان لەدەستداوە، پێشووتریش، زیلینکسی پووتینی بەوە تۆمەتبار دەکرد کە نایەوێت ئاگربەست ڕابگەیێنێت.