پۆلیسی سلێمانی سێ تۆمەتبار دەستگیر دەکات

ئاڤا نیوز

پۆلیسی نەهێشتنی تاوانی سلێمانی بەتۆمەتی دزیکردن و شکاندنی جامی حەوت ئوتۆمبێل، ژمارەیەک تۆمەتبار لە سنووری سلێمانی دەستگیر دەکات.

وێنە گەورەکە: مەفرەزەکانی نوسینگەی ڕۆژهەڵاتی بەشی پۆلیسی نەهێشتنی تاوانی سلێمانی ژمارەیەک تۆمەتباریان دەستگیرکرد کە زیانیان بە ئۆتۆمبێلی هاووڵاتییان گەیاندووە و دزییان لێ کردوون.

ڕاگەیێنراوی فەرمی: بەڕێوەبەرایەتیی پۆلیسی پارێزگای سلێمانی ڕایگەیاند، لەچوارچێوەی چاڵاکییە بەردەوامەکانی هێزەکانی پۆلیسی پارێزگای سلێمانی بۆ دەستگیرکردنی تۆمەتباران و پاراستنی ئارامی و ئاسایش و سەر و ماڵی هاووڵاتیان، دوای وەرگرتنی بڕیاری دادوەر، مەفرەزەکانی نوسینگەی ڕۆژهەڵاتی بەشی پۆلیسی نەهێشتنی تاوان سێ تۆمەتباریان دەستگیرکرد بەتۆمەتی دزی کردن و شکاندنی جامی ئوتۆمبێل.

- تۆمەتباران دانیان بەوەدا ناوە کە جامی حەوت ئوتۆمبێلیان شکاندوە و پارەیان لەناو ئۆتۆمبێلەکان دزیوە.

ئەوەی پێویستە بیزانیت: تۆمەتباران بە ناوەکانی (ر، ر، غ - س، ه، ع - د، ب، ع) بەبڕیاری دادوەر ڕاگیراون و لێکۆڵینەوەکان بەردەوامن.