نەتانیاهۆ ڕەخنە لەو وڵاتانە دەگرێت کە داوای وەستاندنی شەڕی غەززە دەکەن

ئاڤا نیوز

 

دوای هەڕەشەکانی هەر یەکە لە فەرەنسا و بەریتانیا و کەنەدا بۆ سەر ئیسرائیل، سەرۆکوەزیرانی وڵاتەکە هەڵوێست و ڕەخنەی تووند لەو بڕیارە دەگرێت و جەخت لە بەردەوامی شەڕ دەکاتەوە.

 

چیرۆکی سەرەکی: سەرکردەکانی بەریتانیا، فەرەنسا و کەنەدا، هەڕەشەیان لە ئیسرائیل کرد ئەگەر هەڵمەتە سەربازییە نوێیەکەی لە غەززە ڕانەگرێت و سنووردارکردنی یارمەتییەکان هەڵنەگرێت، ئەوا هەنگاو بەرامبەر ئیسرائیل دەگرنەبەر.

 

بڵاوکراوەی فەرمی: بنیامین نەتانیاهۆ، سەرۆکوەزیرانی ئیسرائیل لە تۆڕی کۆمەڵایەتی ئێکس، ڕەخنەی لە سزاکانی بەریتانیا، فەرەنسا و کەنەدا لە دژی ئیسرائیل گرت، لێدوانی ئەم وڵاتانە وەک پێدانی "خەڵاتێکی گەورە" بە حەماس پێناسە کرد. 

 

ئەوەی لەبارەیەوە دەگوترێت: نەتانیاهۆ دەڵێت، ئەگەر حەماس بارمتەکان ئازاد بکات و چەکەکانی دابنێت، ئەگەری هەیە سبەی شەڕەکە کۆتایی بێت.

 

باکگراوند: ئەم پێشهاتە لە کاتێکدایە چەند ڕۆژی ڕابردوو ئیسرائیل فراوانکردنی ئۆپەراسیۆنە سەربازییەکانی بۆ سەر کەرتی غەززە دەستپێکردووە، بە ئامانجی کۆنتڕۆڵکردنی تەواوی کەرتی غەززە و ئازادکردنی سەرجەم بارمتەکان.