کۆشکی سپی: فڕۆکەی قەتەر بۆ ترەمپ نییە

ئاڤا نیوز

 

دوا بەدوای پێشکەشکردنی فڕۆکەیەکی قەتەری لەلایەن حکومەتی قەتەرە بە ئەمریکا، کۆشكی سپی، ڕەتیدەکاتەوە کە قەتەر ئەو فڕۆکەیەی بە دیاری بە ئیدارەی ترەمپ دابێت، بەڵکو بە هێزی ئاسمانی ئەمریکا بەخشراوە.

 

لێدوانی فەرمی: کارۆلین لیڤیت، وتەبێژی کۆشکی سپی ڕایگەیاند، ئەو فڕۆکەی قەتەر بە ئەمریکای بەخشیوە، پڕۆژەیەکی هێزی ئاسمانییە و ترەمپ هیچ پەیوەندییەکی بەوەوە نییە، حکومەتی قەتەر پێشنیازی بەخشینی ئەم فڕۆکەیەی کردووە بە هێزی ئاسمانی ئەمریکا، هاوکات ئەم بەخشینە بەگوێرەی تەواوی یاسایی وەرگیراوە.

زانیاریی زیاتر: دۆناڵد ترەمپ، سەرۆکی ئەمریکا گەشتێکی سێ ڕۆژی بۆ ڕۆژهەڵاتی ناوەڕاست ئەنجامدا و چەند گرێبەستێکی ملیار دۆلاری لەگەڵ هەر یەکە لە سعودییە، ئیمارات و قەتەر ئەنجامدا، لەنێویاندا قەتەر فڕۆکەیەکی پێشکەش بە ئەمریکا کرد.

لەلایەکی دیکەوە: محەممەد بن عبدولڕەحمان ئال سانی، سەرۆکوەزیرانی قەتەر ڕایگەیاند، ئەو فرۆکەیەی کە بە دیاری پێشکەش بە ئەمریکا کراوە لەنێوان هاوپەیمانان کارێکی ئاساییە.