نەتەوەیەکگرتووەکان: مۆڵەتمان لە ئیسرائیل وەرگرتووە نزیکەی 100 بارهەڵگری هاوکاری بچنە ناو غەززە

ئاڤا نیوز

 

نەتەوەیەکگرتووەکان دەڵێت، ڕەزامەندیان لە ئیسرائیل وەرگرتووە بۆ ئەوەی بارهەڵگری هاوکارییە مرۆییەکانیان بگەیەننە ناو غەززە.

وێنە گەورەکە: لە سەرەتای مانگی ئازاری ئەمساڵەوە، ئیسرائیل بە بیانووی ئەوەی حەماس هاوکارییە مرۆییەکان وەک سەرچاوەی داهات بەکاردەهێنێت، تەواوی دەروازەکانی بەڕووی هاوکارییە مرۆیی و پێداویستە سەرەتایی و پزیشکییەکان ڕاگرت، ئەمەش بووە هۆی زیاتر خراپتربوونی دۆخی مرۆیی کەرتی غەززە.

 

زانیاریی بەدەستهاتوو: جێنس لارکێ، وتەبێژی نووسینگەی هەماهەنگی کاروباری مرۆیی نەتەوەیەکگرتووەکان ڕایگەیاند، نەتەوەیەکگرتووەکان مۆڵەتیان لە  ئیسرائیل وەرگرتووە بۆ ئەوەی ڕێگە بە نزیکەی 100 بارهەڵگری هاوکاری دیکە بدات بچنە ناو غەززە.

 

زانیاریی زیاتر: دوای گەمارۆی سێ مانگی ئیسرائیل بۆ سەر کەرتی غەززە، نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاند، ڕێگە بە هاتنەناوەوەی "بڕێک خۆراک" بۆ ناو غەززە دەدەین، بە ئامانجی ڕوونەدانی قەیرانی برسیێەتی لە کەرتەکە.