وەزارەتی دارایی ڕێگەیەکی نوێ بۆ چارەسەرکردنی کێشەی مووچە دەگرێتەبەر

ئاڤا نیوز

وەزارەتی دارایی هەرێمی کوردستان بۆ چارەسەرکردنی کێشەی مووچەخۆران، لیستی مووچە بە شێوازێکی نوێ ڕەوانەی وەزارەتی دارایی عێراق دەکات.

وێنە گەورەکە: بەغدا بەردەامە لە بیانووهێنانەوە بۆ نەناردنی پارەی مووچە بۆ هەرێمی کوردستان، لەکاتێکدا 15ڕۆژ بەسەر مانگی سێدا تێپەڕیوە هێشتا مووچەی مانگی دووی بەتەواوی نەناردووە.

لێدوانی فەرمی: سەرچاوەیەک لە وەزارەتی دارایی بە ئاڤای نیوز گوت: "بەمەبەستی چارەسەرکردنی کێشەی مووچە، بەنیازین لیستی مووچەخۆران کە پێشتر لەڕێگەی 31 سیدییەوە بۆ بەغدا دەنێردرا، لەڕێگەی لیستێکی کاغەزیشەوە بینێرین".

باکگراوند: لەکاتێکدا هەرێمی کوردستان بۆ مووچەی مانگی دوو داوای 949 ملیار دیناری کردبوو، بەغدا تەنیا 560 ملیار دیناری ناردووە، مووچەی کەسوکاری شەهیدان، زیاتر لە 300 هەزار ئەندامی دەزگا ئەمنییەکان و چەند شوێنێکی دیکەی نەناردووە.