وردەکاریی پارەی ڕەوانەکراوی بەغدا بۆ هەولێر لە ساڵی 2023

ئاڤا نیوز

 

بەپێی داتایەک کە حکومەتی هەرێمی کوردستان سەبارەت بە پارەی ڕەوانەکراوی 2023ـی بەغدا بۆ هەولێر بڵاویکردووەتەوە، عێراق 9 ترلیۆن و 378 ملیار دیناری هەرێمی کوردستانی نەناردووە. 

 

ڕاگەیێنراوی فەرمی: سەرۆکایەتیی ئەنجوومەنی وەزیرانی هەرێمی کوردستان وردەکاریی پارەی فیعلی ڕەوانەکراو بۆ حکومەتی هەرێمی کوردستان لەلایەن حکومەتی فیدراڵەوە بۆ ساڵی 2023 بڵاوکردووەتەوە، بەپێی ئامارەکە کۆی گشتیی پشکی هەرێمی کوردستان بۆ ساڵی 2023، 16 ترلیۆن و 497 ملیار دینارە، بەڵام تەنیا 7 ترلیۆن و 119 ملیۆن دیناری ناردووە. 

 

ژمارەکان وادەڵێن:

 

• کۆی گشتیی پشکی هەرێمی کوردستان بۆ ساڵی 2023: 16 ترلیۆن و 497 ملیار دیناری داوە. 

 

• ئەو پارەیەی حکومەتی فیدراڵ بەپێی پشکی خۆی لە بودجەی گشتیی فیدراڵی داویەتی بە هەرێمی کوردستان: 998 ملیار دینار. 

 

• ئەو بڕە پارانەی وەک قەرز لەلایەن بەغداوە بە هەولێر دراوە: 3 ترلیۆن و 700 ملیار دینار. 

 

پێدراوە ڕاستەکان: حکومەتی عێراق تاوەکو ئێستا هیچ بڕەپارەیەکی شایستەی لە خەرجییە سەروەرییەکان بە تەرخانکراوی مووچەی پێشمەرگەشەوە نەداوە بە حکومەتی هەرێمی کوردستان. 

 

لەلایەکی دیکەوە: وەستانی هەناردەکردنی نەوتی هەرێمی کوردستان لە 25ـی ئازاری 2023ـەوە زیانی زۆری بە گەنجینەی فیدراڵی گەیاندووە، زیانەکانی وەستانی هەناردەی نەوتی هەرێمی کوردستان بە زیاتر لە 10 ملیار دۆلار دەخەمەڵێنرێت.