کۆنگرێسمان ماریۆ دیاز پشتیووانیی خۆی بۆ هەرێمی کوردستان و پێشمەرگە دووپات دەکاتەوە

ئاڤا نیوز

 

لەچوارچێوەی سەردانەکەی بۆ ئەمریکا، سەرۆکوەزیران مەسرور بارزانی لەگەڵ کۆنگرێسمان ماریۆ دیاز بالارت، گفتۆگۆی دۆخی گشتیی عێراق و هەرێمی کوردستانیان کرد.

 

وێنە گەورەکە: چەند ڕۆژێکە سەرۆکوەزیران مەسرور بارزانی بە یاوەری شاندێک لە ئەمریکایە و لەو چوارچێوەیە، چەندین دیدار و کۆبوونەوەی گرنگی دەبێت لەگەڵ بەرپرسانی ئەمریکا، هاوکات ڕۆژی دووشەممە سەرپەرشتی دوو ڕێککەوتننامەی گرنگی کرد لە بواری وزەی هەرێمی کوردستان کە کاریگەری لەسەر بووژانەوەی ئابووری و ڕەخساندنی هەلی کار دەبێت.

 

ڕاگەیێنراوی فەرمی: ماڵپەری فەرمیی حكومەتی هەرێمی كوردستان بڵاوی كردەوە، سەرۆکوەزیران مەسرور بارزانی لە واشنتن، لەگەڵ کۆنگرێسمان ماریۆ دیاز بالارت کۆبووەوە. 

 

ئەوەی پێویستە بیزانیت: لە کۆبوونەوەکەدا گفتوگۆ لەبارەی دۆخی گشتیی عێراق و هەرێمی کوردستان و گرنگیی پێشخستنی زیاتری پەیوەندییەکانی هەرێم و ئەمەریکا کرا.

 

لەلایەکی دیکەوە: کۆنگرێسمان ماریۆ دیاز بالارت، پشتیووانیی خۆی بۆ هەرێمی کوردستان و هێزی پێشمەرگە دووپات کردەوە.