مەسرور بارزانی و ئەبراهام حەمادە تاوتوێی واژۆکردنی هەردوو ڕێککەوتننامەکەیان کرد

ئاڤا نیوز

لە میانەی سەردانەکەی سەرۆکوەزیران مەسرور بارزانی بۆ ئەمریکا لەگەڵ کۆنگرێسمان "ئەبراهام حەمادە" کۆبووەوە و تاووتوێی واژۆکردنی هەردوو دوو ڕێککەوتننامەکەیان کرد و بە گرنگ ناویان برد.

وێنە گەورەکە: لە چواچێوەی سەردانەکەی سەرۆکوەزیران مەسرور بارزانی لەگەڵ شاندی یاوەری لە ئەمریکا لەگەڵ ژمارەیەک گۆنگرێسمان کۆبووەتەوە و تاوتوێی دۆخی عێراق و هەرێمی کوردستانیان کردووە، هاوکات لەگەڵ کۆنگرێسمان ئەبراهام گرنگی ئەم دوو ڕێککەوتنەیان تاووتوێکرد. 

ڕاگەیێنراوی فەرمی: ماڵپەری فەرمیی حكومەتی هەرێمی كوردستان بڵاویكردەوە، مەسرور بارزانی، سەرۆکی حکومەتی هەرێمی کوردستان، لە واشنتن، لەگەڵ کۆنگرێسمان ئەبراهام (ئەیب) حەمادە کۆبووەوە، کۆنگرێسمان ئەیب ئاماژەی بەوەدا،" شانازی دەکەم لە بنەماڵەکەماندا ڕەگێکی کوردیم هەیە و نەنکم (دایکی باوکم) کوردە و دایکیشم درووزییە.

- کۆنگرێسمان ئەیب، خۆشحاڵی خۆی بە سەردانی سەرۆکی حکومەت بۆ واشنتن و واژۆکردنی دوو ڕێککەوتننامەی گرنگ لە بوارەی وزە دەربڕی کە لە بەرژەوەندی هەموو هاووڵاتییانی عێراقدایە و جەختیشی لە گرنگیی برەودان بە پەیوەندییەکانی هەرێمی کوردستان و ئەمەریکا لە هەموو بوارەکاندا کردەوە.

لەلایەکی دیکەوە: سەرۆکوەزیران مەسرور بارزانی، پیرۆزبایی لە کۆنگرێسمان ئەیب کرد کە ساڵی ڕابردوو بە ئەندامی کۆنگرێس هەڵبژێردرا و هیوای سەرکەوتنی بۆ خواست، هاوکات سوپاسی پشتیوانییەکەی بۆ هەرێمی کوردستان کرد.