سەرۆکوەزیران مەسرور بارزانی لەگەڵ سێناتۆر بیل هاگەرتی کۆبووەوە

ئاڤا نیوز

سەرۆکوەزیران مەسرور بارزانی لەگەڵ سێناتۆر بیل هاگەرتی کۆبووەوە و دوایین پێشهاتەکانی عێراق و ناوچەکە تاوتوێ کرا.

چیرۆکی سەرەکی: ئەمڕۆ چوارشەممە، مەسرور بارزانی سەرۆکی حکومەتی هەرێمی کوردستان، لە واشنتن لەگەڵ سێناتۆر بیل هاگەرتی کۆبووەوە. لە کۆبوونەوەکەدا پەرەپێدانی پەیوەندیی دوولایەنە و دوایین پێشهاتەکانی عێراق و ناوچەکە تاوتوێ کرا.

لێدوانی فەرمی: سێناتۆر هاگەرتی ڕایگەیاند، پێشوازیی لە واژۆکردنی ڕێککەوتننامەی حکومەتی هەرێمی کوردستان و دوو کۆمپانیای ئەمەریکی دەکات لە بواری وزە و هیوای خواست پەیوەندیی ئابووری و بازرگانی لە نێوان ئەمریکا و هەرێمی کوردستان زیاتر پەرەی پێ بدرێت.

سەرۆکی حکومەت وێڕای سوپاسکردنی ئەمریکا بۆ پشتیوانیکردنی هەرێمی کوردستان، جەختیشی لە گرنگیی بەهێزترکردنی پەیوەندیی ستراتیژی لە نێوان هەردوولادا کردەوە.

زانیاریی زیاتر: لە بەشێکی دیکەی دیدارەکەدا، باس لە پێویستی ڕێزگرتن لە مافە دەستوورییەکان و قەوارەی فیدراڵیی هەرێمی کوردستان کرا.