سەرۆکوەزیران و سێناتۆر تێد بەد جەخت لە بەردەوامبوونی پشتگیریکردنی هێزی پێشمەرگە دەکەنەوە

ئاڤا نیوز

لەمیانی سەردانەکەیدا بۆ واشنتن، سەرۆکوەزیران مەسرور بارزانی لەگەڵ سێناتۆر تێد بەد کۆبووەوە و بەهێزکردنی ژێرخانی ئابووری و وزە و کارەبا و سیستمی بانکی و بەدیجیتاڵکردنی خزمەتگوارییە گشتییەکان گفتوگۆیان لەبارەوە کرا

 

چیرۆکی سەرەکی: ئەمڕۆ چوارشەممە، مەسرور بارزانی سەرۆکوەزیرانی هەرێمی کوردستان، لە واشنتن, لەگەڵ سێناتۆر تێد بەد کۆبووەوە. لە دیدارەکەدا جیا لە دووپاتکردنەوەی خواستی پەرەپێدانی پەیوەندیی دوولایەنە، جەخت لە بەردەوامبوونی پشتگیریکردنی هێزی پێشمەرگە کرایەوە.

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ و ڕێزگرتن لە قەوارەی فیدڕاڵی هەرێم، چاکسازییەکانی حکومەتی هەرێمی کوردستان لە بوارەکانی بەهێزکردنی ژێرخانی ئابووری و وزە و کارەبا و سیستمی بانکی و بەدیجیتاڵکردنی خزمەتگوارییە گشتییەکان و هاوکات هەوڵەکانی پێکهێنانی کابینەی نوێی حکومەت، لە کۆبونەوەکە گفتوگۆیان لەبارەیەوە کرا.