مەسعود حەیدەر: تاوەكو گۆڕانكاری گەورە ڕوونەدات عەقڵیەتی بەغدا ناگۆڕێت

ئاڤا نیوز

مەسعود حەیدەر، بریكاری پێشووی وەزارەتی دارایی عێراق، لەبارەی سەردانەكەی مەسرور بارزانی و شاندی یاوەری بۆ واشنتن سەرنجی وایە؛ گۆڕانكاریی گەورە لە ناوچەكە دێنێتە كایەوە.

چیرۆکی سەرەکی: سەرۆكوەزیران مەسرور بارزانی، بە یاوەریی شاندێک لە حكومەتی هەرێمی كوردستان چەند ڕۆژێكە بە سەردانێكی فەرمی لە ئەمریكایە، جگە لە چەندین دیداری گرنگ لەگەڵ بەرپرسانی وڵاتەكە، ڕۆژی دووشەممە 2025-05-19، سەرپەرشتی دوو ڕێککەوتننامەی گرنگی کرد لەگەڵ دوو کۆمپانیای گەورەی ئەمریکی (وێسترن زاگرۆس و ئێچ کەی ئێن) لە بواری وزەی هەرێمی کوردستان کە کاریگەری لەسەر بووژانەوەی ئابووری و ڕەخساندنی هەلی کار دەبێت.

لێدوانی فەرمی: مەسعود حەیدەر، بریكاری پێشووی وەزارەتی دارایی عێراق ڕایگەیاند، تاوەكو گۆڕانکاری لە ناوچەکە ڕوونەدات، عەقڵیەت لە بەغدا ناگۆڕێت و کێشەکانی عێراق بەگشتی و کێشەکانی نێوان هەرێمی كوردستان و بەغدا بەتایبەت چارەسەر نابن و لە هەمان بازنەدا دەسوورێتەوە.