ڕووسیا: لە 24 کاتژمێردا 232 فڕۆکەی بێفڕۆکەوانی ئۆکراینامان تێکشکاند

ئاڤا نیوز

وەزارەتی بەرگریی ڕووسیا ڕایگەیاند، لە میانی 24 کاتژمێردا 232 فڕۆکەی بێ فڕۆکەوانی ئۆکراینایان لەسەر خاکی وڵاتەکەیان تێکشکاندووە.

وێنە گەورەکە: سەرەڕای هەوڵەکان بۆ ڕاگەیاندنی ئاگربەست و کۆتاییهێنان بە شەری سێ ساڵەی نێوانیان، بەڵام شەڕ و ئاڵۆزی بەردەوامە لە نێوان ڕووسیا و ئۆکراینا.

ڕاگەیێنراوی فەرمی: وەزارەتی بەرگری ڕووسیا ڕایگەیاند: سیستەمی بەرگریی ڕووسیا 232 فڕۆکەی بێ فڕۆکەوانی ئۆکراینی تێکشکاندووە کە بەشێکیان ئامانجیان مۆسکۆی پایتەخت بووە.

ئەوەی پێویستە بیزانیت: ئەمڕۆ بەشێکی زۆر لە گەشتی فڕۆکەکان لە فڕۆکەخانەی مۆسکۆ بە هۆی مەترسی هێرشی فڕۆکە بێ فڕۆکەوانەکانی ئۆکراینا دواخران.

ئەمەش بزانە: لە بەشێکی زۆری ڕووسیاش بە هۆی مەترسی هێرشەکان، هێڵەکانی ئینتەرنێت و مۆبایل ڕاگیران.