مەسرور بارزانی و مایک ڕۆجەرز جەختیان لە پشتیوانی هێزی پێشمەرگە کردەوە

ئاڤا نیوز

لەمیانی سەردانەکەی بۆ واشنتن، سەرۆکوەزیران مەسرور بارزانی و کۆنگرێسمان مایک ڕۆجەرز کۆبوونەوە و جەختیان لە پشتیوانی هێزی پێشمەرگە کردەوە.

ڕاگەیێنراوی فەرمی: نووسینگەی سەرۆکی حکومەتی هەرێمی کوردستان بڵاویکردەوە، ئەمڕۆ سەرۆکوەزیران مەسرور بارزانی و گۆنگرێسمان مایک ڕۆجەرز سەرۆکی لیژنەی خزمەتگوزاری سەربازی لە ئەنجوومەنی نوێنەرانی ئەمریکا کۆبوونەوە.

زانیاریی زیاتر: لەمیانی کۆبوونەوەکەدا جەخت لە بەردەوامی پشتیوانیکردنی هەرێمی کوردستان و هێزی پێشمەرگە کرایەوە.

لەلایەکی دیکەوە: تەوەرێکی دیکەی گفتوگۆکانی سەرۆکوەزیران مەسرور بارزانی و مایک ڕۆجەرز، گرنگی پێکهێنانی کابینەی نوێی حکومەتی هەرێمی کوردستان و دوایین گۆڕانکاری و پێشهاتەکانی دۆخی گشتیی سووریا و ناوچەکە بووە.