هێڵی ئاسمانی عێراق زیاتر لە 10 هەزار حەجخواز بۆ سعوودیە دەگوازێتەوە

ئاڤا نیوز

وەزارەتی گواستنەوەی عێراق دەڵێت، لە ماوەی 15 ڕۆژدا هێڵی ئاسمانی وڵاتەکە 59 گەشتی بۆ سعوودیە کردووە و زیاتر لە 10 هەزار حەجخوازی بۆ ئەو وڵاتە گواستووەتەوە.

وێنە گەورەکە: پێشبینی دەکرێت ڕۆژی 6ـی حوزەیران یەکەم ڕۆژی جەژنی قوربان بێت و بەمەش فەریزە حەج کۆتایی دێت، لە سەرەتای ئەم مانگەشەوە حەجخوازان لە سەرانسەری جیهان و بەگوێرەی خشتەیەکی ڕێکخراو، بۆ بەجێهێنانی فەریزەی حەج سەردانی سعوودیە دەکەن.

ڕاگەیێنراوی فەرمی: وەزارەتی گواستنەوەی عێراق لە ڕاگەیێنراوێکدا باسی لەوەکردووە، لە 4 تا 19ـی ئەم مانگە هێڵی ئاسمانی عێراق لەڕێگەی فڕۆکەخانەی بەغدا و هەولێر و فڕۆکەخانەکانی دیکەوە، 59 گەشتی تایبەت بە حەج ئەنجامداوە و 10 هەزار و 484 حەجخوازی بۆ سعوودییە گواستووەتەوە.

زانیاریی زیاتر: کۆی ئەو حاجییانەی بەڕێگەی ئاسمانیی بۆ وڵاتی سعوودییە دەگوازرێنەوە زیاتر لە 16 هەزار حاجین، بەوەش تائێستا 65%ـی ئەوانەی بڕیارە بە ڕێگەی ئاسمانی بچنە حەج بۆ سعوودیە گوازراونەتەوە.