سەرچاوەیەک: ئیسرائیل چاوەڕێی شکستهێنانی دانوستانەکانی تاران و واشنتن دەکات

ئاڤا نیوز

سەرچاوە ئیسرائیلییەکان ئاشكرای دەکەن، ئەو وڵاتە چاوەڕێی شكستهێنانی دانوستانەکانی نێوان ئەمریکا و ئێران دەکات بۆ ئەوەی هێرش بکاتە سەر  دامەزراوە ئەتۆمییەکانی ئێران.

زانیاریی بەدەستهاتوو: ''هەواڵگری ئیسرائیل ئاشكرایکردووە، ئەگەری شكستهێنانی دانوستانەکانی ئەمریکا و ئێران لەئارادایە، بنیامین نەتانیاهۆ سەرۆکوەزیرانی ئیسرائیل چاوەڕێی ئەو ساتە دەکات، بەتایبەت بێهیوابوونی ترەمپ لە دانوستانەکان بۆ ئەوەی ئەمریکا گڵۆپی سەوز بۆ ئیسرائیل هەڵبدات''

لەلایەکی دیکەوە: ئەم سەرچاوەیە ڕاپۆرتێکی پێشووی کەناڵی CNNـی پشتڕاست کردەوە کە تێیدا ئاماژەی بەوە کردبوو  سوپای ئیسرائیل مەشق و ئامادەکاری بۆ هێرشکردنە سەر ئێران ئەنجام دەدات.

ئەمەش بزانە: سەرەڕای دروستبوونی گرژیی نێوان هەردوو لایەنی ئەمریکی و ئێرانی، ڕۆژی هەینی گەڕی پێنجەمی دانوستانەکانی نێوان هەردوولا بۆ پرسی ئەتۆم لە ڕۆما دەستپێدەکات