ئیسرائیل ڕێگەی بە 100 بارهەڵگری هاوکارییدا بچێتە نێو غەززە

ئاڤا نیوز

دوای زیادبوونی فشارەکانی سەر ئیسرائیل، دواجار دەروازەکان بەڕووی بڕێکی هاوکاریی کرایەوە ڕێگە بە 100 بارهەڵگر درا بۆ ئەوەی بچیە نێو غەززەوە.

چیرۆکی سەرەکی: هێزەکانی ئیسرائیل ڕێگەی بە 100 بارهەڵگری فریاگوزاری داوە کە ئارد و خۆراکی منداڵان و کەرەستەی پزیشکییان هەڵگرتبوو بچنە ناو کەرتی غەززە.

کاریگەری و لێکەوتەکان: ئەم ڕێگە پێدانەی ئیسرائیل لە کاتێکدایە کە نەتەوە یەکگرتووەکان نیگەرانی خۆیان دەربڕیبوو ئاماژەیان بەوەکردبوو،  تا ئێستا هیچ هاوکارییەک نەگەیشتووەتە ئەو کەسانەی کە لە غەززە پێویستیان پێیەتی.

ئەوەی لەبارەیەوە دەگوترێت: بنیامین نەتانیاهۆ، سەرۆکوەزیرانی ئیسرائیل ڕایگەیاند، ئامادەین بۆ ئاگربەست و کۆتاییهێنان بە شەڕی غەززە، بەمەرجێک کە ئاسایشی ئیسرائیل پارێزراو بێت و حەماس دەسەڵاتی لە غەززە نەبێت.

باکگراوند: لە سەرەتای مانگی ئازاری ئەمساڵەوە، ئیسرائیل بە بیانووی ئەوەی حەماس هاوکارییە مرۆییەکان وەک سەرچاوەی داهات بەکاردەهێنێت، تەواوی دەروازەکانی بەڕووی هاوکارییە مرۆیی و پێداویستە سەرەتایی و پزیشکییەکان ڕاگرت.