ئێران وەڵامی هەڕەشەکانی ئیسرائیل دەداتەوە

ئاڤا نیوز

دوا بەدوای دەنگۆکانی ئەگەری هێرشکردنە سەر ئێران لەلایەن ئیسرائیلەوە، کۆماری ئیسلامی ئێران وەڵامی هەڕەشەکان دەداتەوە دەشڵێت، هەر هێرشێکی ئیسرائیل ئەمریکا لەگەڵی هاوبەشە.

چیرۆکی سەرەکی: دوای بڵاوبوونەوەی دەنگۆکان سەبارەت بە ئەگەری هێرشکردنی ئیسرائیل بۆ سەر ئێران لە ئەگەری  شكستهێنانی دانوستانەکانی وڵاتەکە لەگەڵ ئەمریکادا، کۆماری ئیسلامی ئێران لەبارەی ئەم دەنگۆیانە دێتە دەنگ.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند،  بە وریاییەوە خۆمان لە هەر سەرکێشییەکی ئیسرائیل دەپارێزین، بەڵام بەدڵنیاییەوە هەر هێرشێک بۆ سەر تاران بەهەمان شێوە وەڵامی دەدرێتەوە، هاوکات دەشڵێت، ئەگەر ئیسرائیل لە دامەزراوە ئەتۆمییەکانمان بدات، ئەوا ئەمریکا هاوبەشە لەگەڵی و بەرپرسیاریەتی یاسایی لەئەستۆ دەگرێت.

زانیاریی بەدەستهاتوو: سەرچاوەکان ئاشكرایانکردووە، بنیامین نەتانیاهۆ، سەرۆکوەزیرانی ئیسرائیل چاوەڕێی ئەو ساتە دەکات، کە ترەمپ لە دانوستانەکان لەگەڵ ئێران بێ هیوا بێت،  بۆ ئەوەی  گڵۆپی سەوز بۆ ئیسرائیل هەڵبکات''