پارتی تەقەدوم بەبێ هیچ هاوپەیمانێتیەکی سیاسی بەشداری لە هەڵبژاردن دەکات

ئاڤا نیوز

پارتی تەقەدوم، بە سەرۆکایەتی محەممەد حەلبووسی خواستی حیزبەکەی بۆ بەشداریکردن لە هەڵبژاردنی داهاتووی پەرلەمانی عێراق دەربڕی، بەبێ هیچ هاوپەیمانێتیەکی سیاسی لەگەڵ لایەنەکانی تر.

وێنە گەورەکە: بەگوێرەی دوایین ئامارەکانی کۆمیسیۆنی باڵای سەربەخۆی هەڵبژاردنەکانی عێراق، لەکۆی 339 حیزبی مۆڵەتپێدراو، 114 حیزبیان خواستی خۆیان بۆ بەشداریکردن لە هەڵبژاردن دەربڕیووە، ئێستاش 60 حیزبی نوێ لە قۆناغی مۆڵەتپێدان دان.

نووسراوی فەرمی: بەگوێرەی نووسراوێکی فەرمی، کە سەرۆکی حیزبەکە ئاراستەی فەرمانگەی کاروباری حیزب و ڕێکخراوە سیاسییەکانی کردووە، خواستی حیزبەکەی بۆ بەشداریکردن لە هەڵبژاردنی خولی شەشەمی پەرلەمانی عێراق دەربڕیوە.

ئەوەی پێویستە بیزانیت: پارتی "تەقەدوم" بە سەرۆکایەتی محەممەد حەلبووسی لە هەڵبژاردنەکانی پێشوودا لە بەغداد و پارێزگا زۆرینە سوننییەکاندا بە هاوپەیمانی لەگەڵ حیزب و لایەنەکانی تر بەشداری کردبوو کە بەرچاوترینیان حیزبی "سیادە" بە سەرۆکایەتی خەمیس خەنجەر بوو.

نووسراوەکەی پارتی تەقەدوم بە زمانی عەرەبی