كەمال محەممەد: دوو گرێبەستەكە پێداویستیی هەرێمی كوردستان و عێراق دابین دەكەن

ئاڤا نیوز

وەزیری سامانە سروشتییەکان بەوەکالەت لەمیانی بەشداریکردنی لە کۆنفرانسی وزە لە واشنتن ڕایگەیاند، ئەو دوو گرێبەستەی لەگەڵ دوو کۆمپانیا ئەمریکییەکە واژۆ کراوە، پێداویستیی هەرێمی كوردستان و عێراق دابین دەكەن. دەشڵێت، هەرچەندە ڕێککەوتنەکان دژی هیچ کەس و لایەنێک نییە، بەڵام بەداخەوە وەزارەتی نەوتی عێراق دژی ڕێككەوتنەكانە.

لێدوانی فەرمی: كەمال محەممەد، وەزیری سامانە سرووشتییەکانی حکومەتی هەرێمی کوردستان بەوەکالەت، ڕایگەیاند: هەرێمی كوردستان ڕۆژانە زیاتر لە 400 هەزار بەرمیل نەوت هەناردە دەكات، مەبەستمانە كۆمپانیا ئەمریكییەكان وەبەرهێنانی زیاتر لە نەوت و غاز و كارەبا بكەن.

- دوو گرێبەستەكە پێداویستیی هەرێمی كوردستان و عێراق دابین دەكەن.

- ئەم ڕێككەوتنانە بۆ سوودی هەرێمی كوردستان و عێراقە و دژی هیچ کەس و لایەنێک نییە، بەڵام بەداخەوە وەزارەتی نەوتی عێراق دژی ڕێككەوتنەكانە.

- بۆ گرێبەست و ڕێككەوتنی زیاتر لەگەڵ كۆمپانیا ئەمریكییەكان ئامادەین.

- داواكارین گوشارەكانی وەزارەتی نەوتی عێراق لەدژی ڕێككەوتنەكان بوەستێندرێن.

- هەرێمی کوردستان خاوەنی 650 ملیۆن پێ سێجا غازە، بەڵام بۆ بەرهەمهێنانی کارەبا پێوستمان بە هەزار و 100 ملیۆن پێ سێجا غاز هەیە .