وەزیری وزەی ئەمریکا پشتیوانیی ئیدارەی ترەمپی بۆ مەسرور بارزانی دەربڕی

ئاڤا نیوز

 

ئەمڕۆ پێنجشەممە 22-5-2025، سەرۆکوەزیران مەسرور بارزانی لە واشنتن لەگەڵ کریس ڕایت، وەزیری وزەی ئەمەریکا کۆبووەوە.

وێنە گەورەکە: لە ڕۆژی 17-5-2025ـەوە، سەرۆکوەزیران مەسرور بارزانی لە واشنتنی پایتەختی ئەمریکایە، 13 کۆبوونەوەی لەگەڵ کۆنگرێسمان و سیناتۆرەکانی وڵاتەکە هەبووە، ئەمڕۆ لەگەڵ وەزیری وزەی ئەمریکا کۆبوویەوە، دواتر لە کۆنفڕاسی داهاتووی وزەی کوردستان، باسی چاکسازییەکانی کوردستان، پرۆژەی ڕووناکی و گرێبەستەکانی غازی کرد لەگەڵ کۆمپانیا ئەمریکییەکان.

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، وەزیری وزەی ئەمەریکا خۆشحاڵی خۆی بە سەردانی سەرۆکوەزیران بۆ ئەمەریکا نیشاندا و پشتیوانیی وڵاتەکەی بۆ هەردوو ڕێککەوتننامەکە لەگەڵ کۆمپانیا ئەمریکییەکان لە بواری وزە و پەرەپێدانی زیاتری وەبەرهێنانی ئەمەریکی لە کوردستان دەربڕی.

لەلایەکی دیکەوە: سەرۆکوەزیران مەسرور بارزانی، سوپاسی پشتیوانیی ئەمەریکای کرد، هەروەها کورتەیەکی دەربارەی چاکسازییەکانی حکومەتی هەرێمی کوردستان لە بوارە جۆراوجۆرەکاندا، بە تایبەتی وزە، پڕۆژەی ڕووناکی و هەژماری من، بنیاتنانی ژێرخانێکی بەهێزی ئابووری خستەڕوو.