مەسرور بارزانی لەگەڵ دوو سیناتۆری ئەنجوومەنی پیرانی ئەمریكا كۆدەبێتەوە

ئاڤا نیوز

مەسرور بارزانی، سەرۆكی حكومەتی هەرێمی كوردستان، لە واشنتن، لەگەڵ سەرۆكی لیژنەی خزمەتی سەربازیی ئەنجوومەنی پیرانی ئەمریكا و ئەندامێكی لیژنەكە كۆدەبێتەوە و باس لە گرنگیی پتەوكردنی هاوبەشیی ئەمریكا و هەرێمی كوردستان دەكەن.

چیرۆكی سەرەكی: لەمیانی سەردانەكەیدا بۆ واشنتن، ئەمڕۆ پێنجشەممە 22-5-2025، مەسرور بارزانی، سەرۆکی حکومەتی هەرێمی کوردستان، لە واشنتن، لەگەڵ سێناتۆر ڕۆجەر ویکەر، سەرۆکی لیژنەی خزمەتگوزاریی سەربازيی ئەنجومەنی پیرانی ئەمەریکا و سێناتۆر جاک ڕید، ئەندامی لیژنەکە کۆبووەوە.

ڕاگەیێنراوی فەرمی: بەپێی ڕاگەیێنراوی فەرمی حكومەتی هەرێمی كوردستان، لە کۆبوونەوەکەدا هەردوو سیناتۆر پشتیوانیی خۆیان بۆ هێزی پێشمەرگە و هەرێمی کوردستان دووپات کردەوە و جەختیان لە گرنگیی پتەوکردنی هاوبەشی و هاوپەیمانیی نێوان ویلایەتە یەکگرتووەکانی ئەمەریکا و هەرێمی کوردستان کردەوە.

باكگراوند: لە ڕۆژی 17-5-2025ـەوە، سەرۆکوەزیران مەسرور بارزانی بە یاوەری شاندێكی باڵای حكومی، لە واشنتنی پایتەختی ئەمریکایە، زنجیرەیەك کۆبوونەوەی گرنگی لەگەڵ وەزیران و کۆنگرێسمان و سیناتۆرەکانی وڵاتەکە هەبووە، سەرپەرشتی واژۆكردنی دوو گرێبەستی لە بواری نەوت و وزە كرد لەنێوان کۆمپانیاکانی 'ئێچ کەی ئینێرژی' و 'وێستێرن زاگرۆس'ی ئەمریکی، لەگەڵ وەزارەتی سامانە سرووشتییەکانی هەرێمی کوردستان.