فایلی خەڵک؛ دانیشتووانی سۆران کێشەی خزمەتگوزارییان هەیە

ئاڤا نیوز

دانیشتووانی گەڕەکێکی سۆران کێشەی خزمەتگوزارییان هەیە و لە بەشێکی گەڕەکەکانی دیکەش خۆڵ و خاشاکێکی زۆر کۆبووەتەوە. بەرپرسێکی ئیدارەی شارەکەش دەڵێت، "پڕۆژە خزمەتگوزارییەکان دەستپێدەکەینەوە".

وێنە گەورەکە: دانیشتووانی گەڕەکی بارزان لە سۆران داوای جێبەجێکردنی پرۆژەی خزمەتگوزاری و قیرتاوکردنی شەقامەکانیان دەکەن، هەروەها دانیشتووانی گەڕەکەکانی دیکەی سۆران کێشەی کۆنەکردنەوەی خۆڵ و خاشاکیان لە کۆڵانەکانیاندا هەیە.

لێدوانی فەرمی: هەژار حەکیم، بەڕێوەبەری ڕاگەیاندنی ئیدارەی سەربەخۆی سۆران بۆ کێشەی دانیشتووانی ئەو گەڕەکانە دەڵێت: لە ماوەیەکی نزیکدا ئەو پرۆژانە دەستپێدەکەینەوە کە ڕاگیراون، خزمەتگوزاری و قیرتاوکردن لەو گەڕەکانە دەستپێدەکات کە پێویستییانە.

- بۆ ئەو گەڕەکانەش کە کێشەی کۆکردنەوەی خۆڵ و خاشاکیان هەیە، دەڵێت، کێشەیەک لە گرێبەستی ئەو کۆمپانیایە هەبوو کە ئەرکی کۆکردنەوەی خۆڵ و خاشاکی سۆرانی لەسەربوو، کێشەکە بە تەواوی چارەسەرکراوە، لە نێو بازاڕ و گەڕەکەکانی سۆران دەستکراوە بە کۆکردنەوەی خۆڵ و پاشاماوەکان و ڕەنگە ئەو گەڕەکانەش تا سبەی بە تەواوی پاک بکرێنەوە.