کوەیت وڵاتینامەی هەزار و 292 کەس هەڵدەوەشێنێتەوە

ئاڤا نیوز

وەزارەتی ناوخۆی کوەیت، وردەکاری بڕیاری هەڵوەشاندنەوەی وڵاتینامەی دەیان کەسی نیشتەجێی وڵاتەکەی ئاشکرا دەکات.

چیرۆکی سەرەکی: ماڵپەڕی سکای نیوز ئاشکرای کردووە،  لیژنەی باڵای لێکۆڵینەوە لە ڕەگەزنامەی کوەیت کۆبووەتەوە و بڕیاری هەڵوەشاندنەوەی وڵاتینامەی هەزار و 292 کەسی داوە، بۆ ڕەزامەندیش بڕیارەکەی ڕادەستی ئەنجوومەنی وەزیرانی ئەو وڵاتە کردووە.

هۆکارە زانراوەکان: لیژنەی باڵای لێکۆڵینەوە لە ڕەگەزنامەی کوەیت هۆکاری هەڵوەشاندنەوەی وڵاتینامەی ئەو کەسانەی خستەڕوو:

- هەشت حاڵەت خاوەنی ڕەگەزنامەی وڵاتانی دیکەن، ئەمەش بەپێی یاسای کوەیت ڕێگەپێنەدراوە.

- 189 حاڵەت بەهۆی ساختەکاری و لێدوانی درۆوە.

- یەک حاڵەت، دڵسۆزیی بۆ کوەیت نەبووە.

- 967 حاڵەت بەرژەوەندی باڵای کوەیتییان نەپاراستووە.

- چوار حاڵەت بەهۆی ڕەچاونەکردنی ئاساییشی گشتی کوەیتەوە بووە.

- چەندین حاڵەتی دیکە ئاشکرا بووە، پێشتر بەفێڵ مافی نیشتەجێبوونیان وەرگرتووە.