ترەمپ پیرۆزبایی لە ئۆکراینا و ڕووسیا دەکات

ئاڤا نیوز

دۆناڵد ترەمپ، سەرۆکی ئەمریکا، لە ڕێگەی تۆڕی کۆمەڵایەتیی ترووس سۆشیاڵەوە ڕایگەیاند، ڕووسیا و ئۆکراینا ئاڵوگۆڕێکی "گەورە"ی دیلەکانیان ئەنجام داوە.

بڵاوکراوەی فەرمی: ترەمپ هەوڵەکەی ڕاگەیاندووە و پیرۆزبایی لە هەردوولا کردووە بەوەی ئەمە ئەنجامی دانوستانەکانە. 

زانیاریی زیاتر: سەرۆکی ئەمریکا ئاماژەی بەوەش کردووە کە پێدەچێت ئەم گفتوگۆ و ئاڵوگۆڕی دیلانە "شتێکی گەورتر" بە دوای خۆیدا بێنێت. ترەمپ وردەکاریی زیاتری نەخستووەتەڕوو، بەڵام ئەم لێدوانە لە کاتێکدایە کە هیواکان بۆ ئاگربەستی نێوانی ڕووسیا و ئۆکراینا زیاتر بوون. 

ئەوەی پێویستە بیزانیت: ڕووسیا و ئۆکراینا لە گفتوگۆکانی ئیستەنبووڵی تورکیا لەسەر ئاڵوگۆڕی هەزار دیل لەهەر لایەک ڕێککەوتن.

 

دەقی نووسینەکەی دۆناڵد ترەمپ، سەرۆکی ئەمریکا:

" ئاڵوگۆڕێکی گەورەی دیلەکان تازە تەواو بووە لە نێوان ڕووسیا و ئوکرانیا. بەم زووانە دەست پێ دەکات. پیرۆزبایی بۆ هەردوو لا سەبارەت بەم دانوستانە. ئەمە ڕەنگە ببێتە هۆی شتێکی گەورە."