بەرشەلۆنە قوتابخانەی وەرزشی لە کوردستان دەکاتەوە

ئاڤا نیوز

 

بە هاوکاری ئاژانسی کەتەلۆنی بۆ هاوکاریی گەشەکردن چەند قوتابخانەیەکی وەرزشی لە هەرێمی کوردستان دەکرێنەوە. 

چیرۆکی سەرەکی: دامەزراوەی 'زە هۆپ لیگ' کە دامەزراوەیەکی نێودەوڵەتییە و لەلایەن دامەزراوەی بەرشەلۆنە و ئۆلێگەر پرێساس، یاریزانی پێشووی بەرشەلۆنە، پاڵپشتی دەکرێت بڕیاری داوە بە کردنەوەی چەند قوتابخانەیەکی وەرزشی لە هەرێمی کوردستان و باکووری ڕۆژهەڵاتی سووریا.

 

زانیاریی زیاتر: بەگوێرەی ڕاگەیێنراوەی دامەزراوەی بەرشەلۆنە، ئامانج لە پڕۆژەکە سوود وەرگرتنە لە هێزی یاریی تۆپی پێ بۆ بەهێزکردنی ئاشتی و وەرچەرخانی کۆمەڵایەتی لە ناوچەکە کە بەرکەوتەی شەڕە. 

 

ئەوەی پێویستە بیزانیت: پڕۆژەکە لەلایەن دامەزراوەکانی بەرشەلۆنە، لا کارسێرنا، پەیمانگای نۆڤاکت بۆ ناتووندوتیژی، یو پی پی، دۆز ئینتەرناشناڵ، ئای دێر و کاسا نۆسترا کاسا ڤۆستاوە بەڕێوەدەبرێت و لەلایەن 'ئاژانسی کەتەلۆنی بۆ هاوکاریی گەشەکردن' پارەدار دەکرێت.

 

لەهەمان کاتدا: بڕیارە قوتابخانە وەرزشییەکان لە شارەکانی هەولێر و سلێمانی بکرێنەوە، لە 25-6-2025 تا ئۆکتۆبەری 2026 گەنجان بەشداری لە خولەکانی قوتابخانەی توپی پێ دەکەن و هەروەها لە دوو کۆبوونەوەی فراوانیش کە سەرەتاکانی ساڵی 2026 بەڕێوەدەچن، ئامادە دەبن.