مەسرور بارزانی: ئەمریکا لەگەڵمانە

ئاڤا نیوز

مەسرور بارزانی، سەرۆکوەزیرانی هەرێمی کوردستان، دەڵێت، چاکسازییەکانی کوردستان لە بواری وزە، بانک، فرەچەشنکردنی ئابووری، تەنیا بۆ خۆمان نین، بەڵکو لە پێناو سەرجەم خەڵکی عێراقدایە و کاریگەریی لەسەر ناوچەکەش دەبێت.

لێدوانی فەرمی: سەرۆکوەزیرانی هەرێمی کوردستان، لە تۆڕی کۆمەڵایەتی ئێکس نووسیویەتی، لەم چاکسازییانەی کە لە بوارەکانی وزە، بانک و فرەچەشنکردنی ئابووری دەستیان پێکردووە، ئەمریکا وەک هاوبەشێکی سەرەکیی لەگەڵ هەرێمی کوردستان بەردەوام دەبێت. 

دەقی نووسینەکەی سەرۆکوەزیران، مەسرور بارزانی:

"چاکسازییەکانی کوردستان لە بواری وزە، بانک، فرەچەشنکردنی ئابووری، تەنیا بۆ خۆمان نین. ئەوانە هۆی سەقامگیری و گەشەسەندن بۆ هەموو عێراق و ناوچەکە دێنن. ئەمریکاش وەک هاوبەشێکی سەرەکیی ئەم ئەرکە دەمێنێتەوە."