مەسرور بارزانی لە یاداشتنامەی وەزارەتی دەرەوەی ئەمریكا: دەتوانین بەیەكەوە شتی زیاتر بونیاد بنێین

ئاڤا نیوز

دوای کۆتاییهاتنی کۆبوونەوەی لەگەڵ مارکۆ ڕۆبیۆ، سەرۆكوەزیران مەسرور بارزانی، بە دەستنووسی خۆی لە دەفتەری یاداشتەکانی وەزارەتی دەرەوەی ئەمریکا نووسیویەتی، ئێستا دڵنیاین کە دەتوانین پێکەوە شتی زیاتر بوونیاد بنێین.

وێنە گەورەکە: ماوەی نزیکەی هەفتەیەکە سەرۆکوەزیرانی کوردستان لە ئەمریکایە و زیاتر لە 20 کۆبوونەوەی لەگەڵ وەزیر و کۆنگرێسمان و سیناتۆرەكانی ئەمریکا کردووە، ئەمە جگە لە سەرپەرشتیكردنی واژۆكردنی دوو گرێبەستی گەورەی بواری وزە بە بەهای 110 ملیار دۆلار.

چیرۆكی سەرەكی: دوای كۆتاییهاتنی كۆبوونەوەی لەگەڵ مارکۆ ڕوبیۆ، وەزیری دەرەوەی ئەمریکا، و بەرپرسانی باڵای وەزارەتەکە، مەسرور بارزانی، سەرۆکوەزیرانی کوردستان لە دەفتەری یاداشتەكانی وەزارەتی دەرەوەی ئەمریكا، بەدەستنووسی خۆی یاداشتێك تۆمار دەكات.

دەقی دەستنووسەكە: "جێگەی خۆشحاڵیمە جارێكی دیكە دەگەڕێمەوە واشنتن و لەگەڵ جەنابی ڕۆبیۆ كۆدەبمەوە. ئێمە سوپاسگوزاری هەموو ئەو پاڵپشتییانەین كە ئەمریكا بە ئێمەی داوە، ئێستا پێمانوایە، دەتوانین بەیەكەوە شتی زیاتر بونیاد بنێین."