لەسەر وەرگرتنی برنج وەزیرێکی ژاپۆنی دەست لەکاردەکشێتەوە

ئاڤا نیوز

لەکاتێکدا  ژاپۆن لە قەیرانی برنج دایە، وەزیری کشتوکاڵی وڵاتەکە بەهۆی وەرگرتنی برنج وەک دیاری لە کارەکەی دووردەخرێتەوە.

چیڕۆکی سەرەکی: تاکۆ ئیتۆ، وەزیری کشتوکاڵی ژاپۆن، لەلایەن لایەنگرانییەوە هەمیشە برنجی بە دیاری بۆ دەهات و ئەویش وەریدەگرت، تەنانەت لە لێدوانێکیدا ئاشكرای کردبووە، ''بەهۆی زۆری ئەو بڕە برنجەی بە دیاری بۆم دێت، برنج ناكڕم، تەنانەت ئەوەندە برنجم هەیە کە دەتوانم بفرۆشم'' دواجار بەهۆی ڕەخنەگرانییەوە ، وەزیری کشتوکاڵی ژاپۆن دەستی لەکارکێشایەوە.

لێدوانی فەرمی: تاکۆ ئیتۆ، وەزیری کشتوکاڵی ژاپۆن ڕایگەیاند، لەکاتی نەگونجاو لێدوانم سەبارەت بەم پرسە داوە، لە کاتێکدا کڕیاران بەهۆی گرانبوونی برنجەوە دەناڵێنن نەدەبوایە ئەم کارەم کردبا، نامەی دەستلەکارکێشانەوەی پێشکەش بە سەرۆکوەزیران کردووە و ئەویش قبوڵی کردووە.

کاریگەری و لێکەوتەکان: لە ژاپۆن خەڵکی وڵاتەکە بەهۆی بەرزی نرخی برنجەوە دەناڵێنن، بۆیە ئەم کارەی وەزیری کشتوکاڵ لەلایەن سەرۆکوەزیرانی وڵاتەکەوە جێیگەی قبووڵکردن نەبووە، ڕاستەوخۆ شوێنگرەوەی بۆ پۆستی وەزیرەکە دیاریکرد.

زانیاریی زیاتر: برنج کە خۆراکی سەرەکی ژاپۆنە ئێستا بووەتە پرسێکی سیاسی سەرەکی، نرخەکان بەرزترین ئاستیان بۆ ئەمساڵ تۆمارکردووە، سەرۆکوەزیرانی ژاپۆنیش ڕێنمایی بە کابینەکەی داوە کە ڕێکاری باش بگرنە بەر بۆ چارەسەرکردنی ئەم قەیرانە.